شىمكەنت قالاسىندا جىل سوڭىندا بىرقاتار ءبىلىم نىسانىندا قۇرىلىس جۇمىستارى اياقتالادى. وسى ورايدا بۇگىن قالا اكىمى مۇرات ايتەنوۆ مەكتەپتەردىڭ قۇرىلىس بارىسىن ارالاپ, جۇمىستىڭ ساپالى ورىندالۋىن باقىلادى, دەپ حابارلايدى Egemen.kz.
قالا اكىمى الدىمەن قوسىمشا قۇرىلىسى جۇرگىزىلىپ جاتقان ءبىلىم نىساندارىندا بولدى. بۇگىندە تۇرسىنباەۆ كوشەسىندەگى № 84 مەكتەپتىڭ قوسىمشا قۇرىلىسى "اق ورداسى" جشس تاراپىنان جۇرگىزىلۋدە. مەردىگەر كومپانيا قۇرىلىستى 25 جەلتوقساندا اياقتاۋدى جوسپارلاۋدا. بۇگىندە جەر جۇمىستارى مەن ىرگەتاسىن قۇيۋ تولىق اياقتالعان, پليتا جابىنى 70%, قابىرعا جۇمىستارى 90% ورىندالىپ وتىر.
باس مەردىگەر "ومىرزاق" جشس تاراپىنان جۇرگىزىلىپ جاتقان № 17 مەكتەپتىڭ قوسىمشا قۇرىلىسى ناۋرىز ايىندا باستالعان. نىسان قۇرىلىسى جىل سوڭىنا دەيىن اقتالادى دەپ كۇتىلۋدە. ايتا ءوتۋ كەرەك, №17 جانە 84 مەكتەپتىڭ قۇرىلىسى "جۇمىسپەن قامتۋ جول كارتاسى" باعدارلاماسى اياسىندا ىسكە اسىرىلۋدا.
سونداي-اق مۇرات دۇيسەنبەك ۇلى بەكەت باتىر – تاشەنوۆ كوشەسىنىڭ قيىلىسىندا ورنالاسقان ونەر مەكتەبىنىڭ قۇرىلىسىمەن تانىستى. قۇرىلىسقا جاۋاپتى باس مەردىگەر مەكەمە – "رسۋ – 1" جشس-ءى. نەگىزگى عيماراتتىڭ جۇمىستارى جانە ىشكى سىلاق جۇمىستارى تولىق 100% بىتكەن, ال اباتتاندىرۋ جۇمىستارى 90% ورىندالدى. مەردىگەر مەكەمە قۇرىلىس جۇمىستارىن وسى جىلدىڭ جەلتوقسان ايىندا اياقتاۋدى جوسپارلاپ وتىر.
جالپى شىمكەنت قالاسى بويىنشا جىل سوڭىنا دەيىن جالپى 5100 ورىندىق 9 مەكتەپتى پايدالانۋعا بەرۋ جوسپارلانعان. قازىرگى تاڭدا 1200 ورىندىق 2 مەكتەپ, 300 ورىندىق 2 مەكتەپ ەل يگىلىگىنە بەرىلدى.
قاراشا – جەلتوقسان ارالىعىندا قوسىمشا ارقايسىسى 300 ورىندىق №17, 63, 84 مەكتەپ جانە ءبىر ونەر مەكتەبىن پايدالانۋعا بەرۋ جوسپارلانىپ وتىر.